Corriere dello Sport томонидан спорт оламига ёйилган хабарга кўра, Лондоннинг "Челси" клуби "Милан"дан ҳужумчи Марио Балотеллини сотиб олиш бўйича жиддий қарорга келган.
Трансфернинг амалга ошиш вариантларидан бири сифатида 23 ёшли италияликнинг "кўклар" таркибидаги 20 ёшли ҳужумчи Ромелу Лукакуга устига пул қўшган ҳолда алмаштириш кўриб чиқилмоқда. Инглизлар куни кеча ўзини "яхши йигит" деб атаган итальяннинг шартномасида келтирилган 30 миллион евролик бадал пулини тўлашга тайёр эканликлари маълум.
Қўшимча қилиш жоиз, Балотелли мавсума "А"-серияси ва Чемпионлар лигасининг 13 ўйинида майдонга тушди ва 5та гол урди, 4та голли паснинг муаллифи бўлди.
Эслатиб ўтамиз, "Милан" уни шу йилнинг январида "Манчестер Сити"дан қайтиб олган ва бу трансфер миланликларга 22 миллион еврога тушганди.
Шунингдек, Балотеллининг "Челси" бош мураббийи Жозе Моуриньо билан "Интер"да бирга ишлаганини эслатиб ўтиш ўринли бўлса керак.