Англиянинг "Манчестер Юнайтед" клуюи Бразилиянинг "Крузейро" клуби ярим ҳимоячиси Эвертон Рибейрога қизиқиш билдирмоқда.
Шу кунларда манчестерликлар вакили 24 ёшли футболчисини Бразилия чемпионати доирасидаги битта ўйинда кузатди. Бунгача Рибейронинг ўйинини "Ливерпуль" ва "Фиорентина" скаутлари ҳам кузатишганди.
Ярим ҳимоячи Бразилия ёшлар терма жамоаси сафида ўйнаган ва бу ҳолат унга Англия премьер-лигасида ўйнаш ҳуқуқини бериши мумкин. Футболчининг трансфери 8 миллион еврога баҳоланмоқда. Ушбу мавсумда мамлакат чемпионлигини қўлга киритган "Крузейро" футболчи иқтисодий ҳуқуқининг 60 фоизига эгалик қилади.
Рибейро эса ушбу мавсумда Бразилия чемпионатининг 34та ўйинида майдонга тушиб, 7та гол уришга муваффақ бўлди.