"Милан" вице-президенти Адрано Галлиани тез кунларда клубдан кетиши ҳақидаги хабарни тасдиқлади.
"Мен "Аякс"га қарши Чемпионлар лигаси баҳсидан кейин истеъфога чиқаман. Авлодлар алмашинуви яхши нарса, аммо бундай тарзда эмас. Янада юмшоқроқ ёндашиш мумкин эди", дейди Галлиани.
Эслатиб ўтамиз, Галлиани ушбу ҳафтада клубни тарк этади ва компенсация сифатида 50 млн. евро олади. Унинг ўрнини "Милан" собиқ футболчиси Паоло Мальдини ёки Италия футбол федерацияси вице-президенти Деметрио Альбертини тайинланиши мумкин.
Галлиани 1986 йили "Милан" вице-президенти этиб тайинланган. Унинг иш фаолияти даврида "россонерлар" ўз тарихларидаги энг кўп совринни қўлга киритишган.
