«Милан» вице-президенти Адриано Галлиани ва директор Барбара Берлускони яна тўрт йил жамоада қолишади. Бу ҳақда La Gazetta dello Sport хабар бермоқда.
Манбада айтилишича, томонлар ўртасидаги шартнома шу ҳафтада имзоланади.
Хабарингиз бор, Галлиани клубнинг спорт ишларига жавобгар, қолган ишлар хусусан ташкилотчилик Барбара Берлусконининг зиммасида. Шуни ҳам таъкидлаш жоизки, «Милан» спорт директори Ареда Брайди ўз ўрнини айни вақтда «Верона»да фаолият олиб бораётган Шон Солианога бўшатиб бериши мумкин.