Дортмунднинг "Боруссия" клуби ўз майдонидаги учрашувларга мухлисларни жалб этиш бўйича Бундеслига рекордини янгилаш арафасида турибди. Бу ҳақда клуб расмий сайти хабар тарқатган.
15-турнинг "Байер"га қарши ўйинига барча чипталар сотиб бўлинган. Шундай қилиб, ўйинни 80645 томошабин кузатиши кутилмоқда.
2013 йилдаги сўнгги уй ўйини эса "Герта"га қарши ўтказилади ва бу ўйин ҳам мухлис тўплаш борасида бошқалардан қолишмайди. Агар режадан ташқари бирор кўнгилсизлик бўлмаса, ушбу ўйиндаги мухлислар билан "Боруссия" клуб тарихида бир календар йилида ўз уй учрашувларига ўртача ҳисобда 80 мингдан томошабин жалб эта олган биринчи клуб бўлади.