Бразилия терма жамоаси бош мураббийи Луис Фелипе Сколари кеча бўлиб ўтган ЖЧ-2014 қуръа ташлаш маросимидан сўнг фикрлари билан ўртоқлашди.

"Бразилиянинг ягона устунлиги - ўз уйимизда ўйнашимиздир. Хорватияга қарши биринчи ўйинда тўғри кайфиятда майдонга тушишимиз керак бўлади. Бу яхши футбол кўрсатадиган Европа жамоаси, қандайдир кутилмаган натижани ҳам тақдим қилиши мумкин. Камеркн ва Мексикага қарши ўйинлар ҳам қаттиқ бўлади, майдонда бор кучимизни кўрсатишимиз лозим. Плэй-оффдаги рақибларимиз? Асосийси гуруҳимиздаги рақибларни енгишимиз керак, ундан кейин плэй-оффдаги рақиблар ҳақида ўйлаймиз", - дейди Сколари.