"Рома" 4та ўйиндан иборат дуранглар сериясига чек қўйиб, яна ғалаба қозонди. "Фиорентина" қарши қийин ўйинда римликлар 2:1 ҳисобида зафар қучишди.

Учрашув бошида Майкон ҳисобни очган бўлса, "Фиорентина" ҳужумчиси Варгас биринчи бўлимнинг ўзидаёқ тарозу палласини тенг ҳолатга келтирди. Икки бўлим ўртасида эса Дестро "бўрилар"ни яна олдинга олиб чиқди. Ушбу гол ўйиндаги сўнггиси бўлиб қолди.

Учрашув тугашига 1 дақиқа қолганида эса Миралем Пьянич иккинчи сариқ карточка олиб, майдонни тарк этди. Энди у "Милан"га қарши бўладиган кейинги турда жамоасига ёрдам бера олмайди.

Ушбу ғалабадан кейин "Рома" карвонбоши "Ювентус" билан ўртадаги 3 очкони сақлаб қоладиган бўлди.

Рома – Фиорентина 2:1 (1:1)
Голлар: 1:0 – 7 Майкон, 1:1 – 29 Варгас, 2:1 – 67 Дестро.
Рома – Де Санктис, Майкон, Бенатия, Кастан, Додо, Флоренци (Дестро, 57; Брэдли, 90), Стротман, Ляйич (Род. Таддеи, 72), Де Росси, Пьянич, Жервиньо.
Фиорентина – Нето, Томович, Савич, Гонсало, Паскуаль, Борха Валеро, Аквилани (Писарро, 72), Амброзини (Хоакин, 79), Куадрадо, Варгас (Матос, 86), Росси.
Огоҳлантиришлар: Амброзини (15), Гонсало (16), Пьянич (23), Де Санктис (60), Нето (63), Дестро (68), Кастан (69), Куадрадо (90).
Четлатиш: Пьянич (88).