"Манчестер Сити" ҳужумчиси Стеван Йоветич январда жамоани тарк этмайди, деган хабар бор Goal.com`да.
Янгиликка кўра, Черногория терма жамоаси аъзоси Манчестерда ўзини қулай ҳис қилмоқда. Чунки уни бу ерда Матия Настасич, Эдин Жеко ва Александр Коларов сингари жамоадошлари қўллаб турибди.
Аввалроқ тарқатилган хабарларда Йоветичнинг "Интер"га ўтиши ҳақида гапирилганди. Ўшанда трансфернинг бир қисми сифатида дарвозабон Самир Хандановичнинг Англияга келиши ҳам қўшимча қилинган.
Мавсумда Йоветич ҳозирча 3 та ўйин ўтказган.