"Челси" ва "Интер" клублари ўртасида Фред Гуарин трансфери борасида ўтаётган музокаралар ҳамон давом этмоқда.
London Evening News`да пайдо бўлган хабарга кўра, "кўклар" аввалига футболчи учун 12 миллион фунт таклиф қилишган. Аммо миланликлар бунга рад жавобини беришгач, Лондон тарафдан эндиги таклиф 15 миллион фунт бўлиши ва шу билан музокаралар ижобий якун топиши тахмин қилинмоқда. Аввалроқ итальян матбуоти "Интер"нинг Гуаринни 15 млн.га сотишга рози экани ҳақида хабарлар эълон қилган.