"Реал" ярим ҳимоячиси Хаби Алонсо келаси йили 30 июнь куни якунига етадиган шартномани узайтирмоқчи эмас.
Футболчининг бундай қарорга келишининг сабабларидан бири — муҳитни ўзгартириш истаги. 1 январдан бошлаб футболчи бошқа клуб билан музокара олиб бориши мумкин.
Бундан ташқари, унинг агенти Иньяки Ибаньес "Реал" раҳбариятидан ўйинчининг маошини оширишни сўраган, бироқ бунга рад жавобини олган. Маълумотларга қараганда, йилига 8-10 млн евро ҳақида гап борган.
Алонсога «Манчестер Юнайтед», «Манчестер Сити» ва «Ювентус» қизиқиш билдиришмоқда.