«Эвертон» ҳужумчи Никица Елавич ва ҳимоячи Жонни Хейтингани қишки трансфер ойнаси вақтида сотиб юбориши мумкин.

Бош мураббий Роберто Мартинес ҳам бунга қарши эмас. «Вест Ҳэм» ва «Кристал Пелес» Елавичга қизиқиш билдирмоқда. Бироқ Ливерпул жамоаси футболчини ижарага бермоқчи эмас.

«Мен ҳар икки футболчи билан ҳам гаплашдим. Улар таркибга кириш учун ҳаракат қилишмоқда, лекин аяни вақтда жаҳон чемпионатига боришни истаётган футболчилар учун ўйин амалиёти жуда зарур. Улар ҳақиқий профессионал ва вазиятни яхши тушуниб туришибди. Шундай қилишимиз керакки, уларнинг кетиши жамоани кучсизлантириб қўймасин.

Улар ўзларига ёқадиган таклиф олишса, мен қарши бўлмайман. Бу футолчиларнинг ўрнини тўлдира олишимизга ҳам ишонаман»,- дейди Мартинес.