"Барселона" ҳужумчиси Педро бир қатор инглиз клублари қизиқиш доирасида эканидан хабарингиз бор. Marca хабарига кўра, уларнинг сафига "Манчестер Юнайтед" ҳам қўшилган.
"Ливерпуль", "Арсенал" ва "МЮ" "Барса"нинг охирги 5 ўйинида 7та гол урган истеъдодни ўз таркибларида кўришни истаб қолишган. Педронинг каталонияликлар билан шартномаси 2016 йилда якунига етади. Шартномамани бекор қилиш 150 миллион еврога тушади. Футболчининг ўзи ҳам жамоадан кетиш нияти йўқлигини таъкидламоқда.
Аммо бошқа томондан "Барселона" бош мураббийи Херардо Мартино ҳужум чизиғини Месси - Неймар - Санчес учлиги орқали ташкил қилиши сабаб Месси жароҳатидан қайтгач, испаниялик ҳужумчи яна асосий таркибдаги доимий ўрнини йўқотиши мумкин. Marca`нинг фикрича, юқоридаги клубларнинг қизиқиши ортишига айнан шу ҳолат сабаб бўлган. Хабарнинг қанчалик ҳақиқатга яқин эканини эса вақт кўрсатади.