Бугун Австралиянинг Брисбен шаҳрида теннис бўйича АТР Brisbane International анъанавий халқаро турнирида асосий тўр ўйинлари бошланади.

Мукофот жамғармаси 452.670 долларни ташкил этган мазкур мусобақада Ўзбекистоннинг биринчи рақамли теннисчиси Денис Истомин ҳам ғолиблик учун баҳс юритади. Дастлабки учрашувда ҳамюртимиз хорватиялик Марин Чилич билан куч синашади.

Халқаро турнир ғолиблари 2014 йилнинг 5-январь куни маълум бўлади.

Эслатиб ўтамиз, жорий йилнинг январь ойида бўлиб ўтган мазкур халқаро турнирда Денис Истомин чорак финалда британиялик Энди Маррэйга 4-6, 6-7 ҳисобида имкониятни бой берган эди. Энди Маррэй якунда турнир ғолиблигини ҳам қўлга киритган.