"МЮ" бош мураббийи Дэвид Мойес январда "Эвертон" ҳимоячиси Лейтон Бейнс ва "Саутгемптон" аъзоси Люк Шоу трансферга қўйилмаслиги мумкинлигидан хавотирда. The Guardian хабарига кўра, Мойес ҳамон 32 ёшли Патрис Эврага рақобатчи изламоқда. Аммо "Эвертон" собиқ менежерига уни сотмоқчи эмас.
Дам олиш кунлари "Эвертон" бош мураббийи Роберто Мартинес интервью бериб, Бейнснинг мавсум охиригача жамоада қолишига "100 фоиз ишониши"ни таъкидлаб ўтганди.
Кўз остига олинган яна бир футболчи - Люк Шоу эса шу ёзда клуби билан янги 5 йиллик шартнома имзолаган ва бу муддат якунланмагунча жамоадан кетмаслигини маълум қилган. Қарорларини ўзгартириш учун манчестерликлар 20 миллион фунт таклиф қилишмоқда.
Чап қанот ҳимоячисидан ташқари, Мойесга янги яримҳимоячи ҳам керак.