Каталониянинг «Барселона» клуби ҳужумчиси Кристиан Тельонинг агенти шу кунларда клуб раҳбарияти билан учрашади. Бу ҳақда barsastuff хабар бермоқда.
Манбада айтилишича, учрашувдан мақсад Тельонинг қишки трансфер вақтида бошқа жамоага ўтиши ҳақида кечади. Унга айни вақтда «Ливерпул» жиддий қизиқиш билдирмоқда. Шунингдек, «Валенсия» ҳам футболчини ўз таркибида кўрмоқчи.
Шуни ҳам таъкидлаш жоизки, «Барселона» Тельони бутунлай сотмоқчи эмас. Шунинг учун унинг ижара асосида бошқа жамоага ўтишини кутиш ўринли.













