"Реал" бош мураббийи Карло Анчелоттининг собиқ ассистенти Жоржо Часкини ўзининг узоқ йиллик ҳамкасби ҳамон "Ювентус"дан Андреа Пирлони сотиб олишни истаётганини AS нашрига маълум қилди. Бу ҳақда Goal.com хабар бермоқда.
"Пирло - исталган жамоага мос тушувчи ўйинчи. "Милан"ни тарк этганининг ягона сабаби унинг жисмоний ҳолати бўлганди, техник ёки тактик сабаблар эмас.
Анчелотти билан "Челси"да ишлаганимизда ҳам, у "ПСЖ"да фаолият юритган вақтларида ҳам ва ҳозир "Реал"ни бошқараётганида ҳам Пирлога қизиқиб келган. Пирло - универсал ўйинчи. Муаммо шундаки, "Ювентус" уни қўйиб юборишни истамайди", - деди Часкини.
