"МЮ" вакиллари "Атлетико" яримҳимоячиси Коке трансфери юзасидан музокара олиб бориш учун Мадридга учиб келган. Бу ҳақда Goal.com хабар тарқатмоқда.
Нашрнинг эслатишича, ўтган ойда Дэвид Мойес Испания пойтахтига ташриф буюриб, футболчининг "Порту"га қарши учрашувини бевосита кузатиб кетганди.
"Мана бир неча ойдирки, клубимиз ушбу футболчига қизиқиб келмоқда. Скаутларимиз унинг иштирокидаги бир нечта ўйинларни томоша қилишга улгуришди", - дейди Goal.com`нинг Англия чемпионлари ичидаги манбаси.
Хабарингиз бўлса, Кокега "Барселона" ва "Бавария" ҳам қизиқяпти.
