Италия А сериясининг "Ювентус" ва "Рома" ўртасидаги 18-тур баҳси марказий ўйин мақомини унчалик оқламади. Гарчи, учрашувда голлар ва қизил карточкалар етарли бўлган бўлса-да, ўйин асосан битта дарвоза томон бўлди.

Барчаси "Рома" учун ажойиб бошланганди. "Бўрилар" дастлабки 15 дақиқа давомида мезбонлар дарвозаси томон босим уюштириб, уларни ҳимояланишга мажбур қилишди. Аммо бу ҳолат 17-дақиқагача давом этди. Тевес жамоадоши Видални қулай  вазиятга чиқади ва унинг зарбаси римликлар дарвозасига бориб тушди.

Шундан кейин ташаббус туринликлар томонига ўтиб борди. "Юве" иккинчи бўлим бошида уриб олган иккинчи голдан кейин яна ҳимояга ўтиб олди. "Рома" эса деярли ҳеч нарса қила олмади. Ўйин тугашига 15 дақиқа қолганидан эса Де Росси ва Кастан бирин-кетин қизил карточка олиб майдонни тарк этишди. Вучунич эса пенальтидан ҳисобни 3:0га етказб қўйди.

Ушбу ғалабадан кейин "Ювентус" таъқибчисидан 8 очкога илгарилаб кетган бўлса, "Рома" эса қуйидагиларни ўзига яқинлашиб олиши учун имконият яратди.

Италия чемпионати, 18-тур
Кьево – Кальяри 0:0
Кьево – Пужони, Сардо (Сесту, 56), Н. Фрей, Цесар, Драме, Хетемай, Л. Ригони, Дайнелли, Бентивольо (Радованович, 82), Терео, Пеллиссье (Палоски, 69).
Кальяри – Адан, Ф. Пизано, Мурру, Астори, Россеттини, Конти, Наингголан, Коссу (Кабрера, 73), Экдаль (Дессена, 77), Пинилья, Сау (Ибарбо, 63).
Огоҳлантиришлар: Конти (34), Цесар (65), Л. Ригони (68), Астори (70), Палоски (74).

Фиорентина – Ливорно 1:0 (0:0)
Гол: 1:0 – 66 Гонсало.
Фиорентина – Нето, Савич, Ронкалья, Гонсало, Писарро, Иличич (Хоакин, 62), Аквилани, Куадрадо, Борха Валеро (Амброзини, 81), Варгас, Росси (Матос, 71).
Ливорно – Барди, Чеккерини (Эмегара, 84), Мбайе, Ринаудо, Валентини, Беннаси (Силигарди, 89), Лучи, Скьяттарелла, Греко, Бьяджанти (Данкан, 90), Паулиньо.
Огоҳлантиришлар: Иличич (21), Аквилани (36), Валентини (41), Паулиньо (45), Куадрадо (54), Ринаудо (69), Лучи (76), Гонсало (81), Скьяттарелла (85).

Ювентус – Рома 3:0 (1:0)
Голлар: 1:0 – 17 Видаль, 2:0 – 48 Бонуччи, 3:0 – 77, пенальти Вучинич.
Ювентус – Буффон, Кьеллини, Бонуччи, Бардзальи, Лихтштайнер, Пирло, Погба, Асамоа, Видаль (Маркизио, 78), Льоренте (Куальярелла, 81), Тевес (Вучинич, 60).
Рома – Де Санктис, Майкон, Бенатия, Кастан, Додо (Торосидис, 55), Ляйич, Стротман, Пьянич (Дестро, 55), Де Росси, Жервиньо, Тотти (Флоренци, 72).
Огоҳлантиришлар: Тевес (33), Кьеллини (34), Жервиньо (37), Ляйич (83), Бардзальи (87).
Четлатишлар: Де Росси (75), Кастан (76).