«Барселона» раҳбарияти 2015 йилнинг ёзида Лионель Мессини сотади. Бу ҳақда "One World Sport" сайти мухбири Дункан Каслзга таяниб, Sports.ru хабар тарқатди.
Клуб презиленти Сандро Росель клубни ривожлантиришнинг бизнес-моделини ишлаб чиқди. Унга кўра, аргентиналик футболчи энг қиммат турадиган пайтида сотилиши лозим.
"Барселона" раҳбариятининг тахминича, ушбу трансфер клубга 200 миллион евродан ортиқ даромад келтириши лозим. Ушбу режа амалга ошса, мазкур трансфер футбол тарихидаги энг қиммат трансферга айланади.
Мессининг клубдаги мавқеи шундай даражага етдики, натижада клуб ичида айрим муаммолар юзага кела бошлади. Хосеп Гвардиола ўйинлардан бирида уни алмаштириб юборгани учун Месси ушбу мураббий қўлостида шуғулланишдан ҳам бош тортганди.
Бундан ташқари, Месси ўзининг маошини оширилишини ва унинг даромади "Реал" футболчиси Роналдуникидан кам бўлмаслигини истамоқда. Натижада футболчи ва клуб вице-президенти Хавьер Фаус ўртасида келишмовчилик юзага келган. Росель эса буни ҳам инобатга олишга мажбур.
"Барселона" Неймарни сотиб олиш учун катта сумма сарфлагани ҳам Мессининг вакилларига ёқмаганини таъкидлаш лозим.