"Манчестер Сити" ҳужумчиси Стеван Йоветичнинг Италияга қайтишини нафақат "Фиорентина" бошлиқлари, балки "Интер"дагилар ҳам хоҳлашмоқда.
"Фиалкалар"нинг Йоветич билан муносабатлари аъло даражада, аммо клубнинг жароҳат олган Жузеппе Росси ўрнига 5 миллион евро ойлик оладиган Йоветични таклиф қилишга қурби етмайди.
Ўз навбатида, "Интер" директори Марко Бранка "А"-сериясида байрам муносабати билан юзага келган танаффус вақтида Англияга ташриф буюриб, "Сити"га Йоветични сотишни сўраган. Аммо "шаҳарликлар" бунга рад жавобини берганлар.
Маълум бўлишича, манчестерликлар мавсумда АПЛнинг бор-йўғи 3 ўйинида кўриниш берган черногориялик футболчи қўйиб юбормоқчи эмаслар.
