"Интер" яримҳимоячиси Фредди Гуарин "Барселона" қизиқиш доирасига кирди. Ушбу футболчининг "Челси"га ўтиши амалга ошмай қолгач, унинг агенти клуб раҳбариятига шартномада белгилаб қўйилган бир бандни эслатган. Унга кўра, миланликлар эндиликда Гуарин билан унинг маошини оширган ҳолда янги шартнома имзолашлари керак.

"Интер" эса бунга тайёр эмас. Хабарларга қараганда, яримҳимоячининг агенти "Барселона" бош мураббийи Херардо Мартино билан учрашади. Каталонияликлар устозига колумбиялик футболчининг ўйини ёқиши айтилмоқда. Аммо ҳозирча расмий ҳаракатлар бошланганича йўқ.