"Челси"нинг "МЮ"дан Уэйн Рунини сотиб олишни кўзлаётгани ҳақида хабарлар хориж ОАВ саҳифаларини тўлдиришда давом этмоқда. The Telegraph`нинг ёзишича, "кўклар" мавсум якунида 28 ёшли ўйинчини сотиб олиш бўйича иш бошлашади.
Газетада ёзилишича, лондонликлар йўлбошчиси Жозе Моуриньо январда ҳужум чизиғини кучайтиришнинг барча вариантларидан воз кечмоқда. Бунинг сабабини нашр ёзги трансферлар вақтида жамоага Рунини олиб келиниши билан изоҳлаган.
Эслатиб ўтамиз, Рунининг клуби билан шартномаси муддати тугагунча ҳали 1 йил бор. Агар "қизил иблислар" Рунини сотишга рози бўлишмаса, ФИФАнинг "Футболчилар мақоми ва трансферлар тўғрисида"ги регламентининг 17-бандига асосан футболчининг трансфер ҳуқуқи унинг ўзига ўтади.
Қайд этиш керак, Уэйннинг ҳафталик маоши 2590 минг фунтни ташкил этади.
