"Реал" ҳужумчи Альваро Моратани мавсум охиригача "Арсенал"га ижарага беришга рози бўлди, деб ёзади London Evening Standart.
Аввалига Мадрид клуби Испания ёшлар терма жамоасининг 21 ёшли аъзосини қўйиб юборишни истамагандилар, аммо унинг агенти билан ўтказилган музокаралар қарорнинг ўзгаришига сабаб бўлган.
Газетанинг ёзишича, энди клублар ижара суммасини келишиб олишса бас. Қайд этилишича, мавсум якунида Моратани ўз футболчисига айлантириш ҳақида шартномага алоҳида банд киритилмайди.
Аввалроқ Моратанинг агенти Лондонга "Арсенал" ва "Тоттенҳэм" офисларини излаб келгани ҳақида хабарлар тарқалганди.
Альваро Мората Ла-лиганинг 10 ўйинида майдонга тушган бўлиб, 2та гол муаллифи бўлган.
