Туриннинг "Ювентус" клуби 12 январ куни рекорд ўрнатди. "Кальяри"ни мағлуб этгач, Антонио Конте шогирдлари қаторасига 11 та ғалаба қозонди, бу туринликларнинг А сериясидаги энг узоқ давом этган ғалабали юриши эди.
"Ювентус" охирги 11 ўйинда "Женоа" (2:0), "Катания" (4:0), "Парма" (1:0), "Наполи" (3:0), "Ливорно" (2:0), "Удинезе" (1:0), "Болонья" (2:0), "Сассуоло" (4:0), "Аталанта" (4:1), "Рома" (3:0) ва "Кальяри" (4:1) каби клубларни доғда қолдирган.
Италия чемпионатида биринчи ўринда бораётган "Ювентус" энг яқин таъқибчисини саккиз очкога ортда қолдирмоқда.
