"Челси" яримҳимоячи Наманья Матич хариди юзасидан "Бенфика" билан музокараларни давом эттирмоқда. Бу ҳақда Sky Sports хабар бермоқда.
Лондон клуби Сербия терма жамоасининг 25 ёшли аъзоси учун 20 миллион фунт тўлашга тайёрлигини билдирган, аммо Матичнинг шартномасида бу миқдор бирмунча юқори кўрсатилган - 37 млн.
Аввалроқ яримҳимоячининг ўзи "Челси" билан шахсий шартномаси борасида келишувга эришгани ҳақида хабар қилинган эди. Шунингдек, "Манчестер Сити" ва Дортмунднинг "Боруссия" жамоалари ҳам ушбу футболчига қизиқиш билдирмоқда.
Эслатиб ўтамиз, 2011 йил "Челси" "Бенфика"дан ҳимоячи Давид Луизни харид қилганди.
