"Барселона" ҳамон "Челси" марказий ҳимоячиси Давид Луизни сотиб олиш ҳақида ўйламоқда. Хабарингиз бор, ўтган ёзда "кўк-анорранглилар" Бразилия термасининг 26 ёшли аъзосини ўз сафларида кўришни истаган, аммо 25 миллион евролик таклифга Лондон клуби рад жавобини берганди.
Январнинг бошларида "Барса"нинг янги таклиф билдиргани ҳақида хабар берилган эди. Marca`нинг ёзишича, "Челси" Давид Луизни қўйиб юборишга рози бўлган. Аммо бунинг учун каталонияликлар мавсум якунини кутишларига, шунингдек, 35 миллион евро тўлашларига тўғри келади.
Эслатиб ўтамиз, ушбу ўйинчини "Бавария" ва "Наполи" клубларига ўтиши ҳақида ҳам хабарлар бор.