"Наполи" спорт директори Риккардо Бигон "Тоттенҳэм" раҳбарияти билан яримҳимоячи Этьен Капу трансфери масаласида музокара ўтказиш учун Лондонга ташриф буюрган.
Бигоннинг шахсан Англия пойтахтига ташриф буюриши сабаби маълум: 10 миллион фунт сўраётган "Тоттенҳэм" билан нархни пасайтиришга эришиш.
Авалроқ "Наполи" турли бонуслар билан 9,2 миллион фунт таклиф қилиши мумкинлиги ҳақида маълумот чиққанди. Неапол клуби қишки трансферлар вақтида яримҳимоя чизиғини кучайтириш устида иш олиб бормоқда. Жумладан, клуб "Верона"дан Жоржиньони сотиб олиши аллақачон аниқ бўлиб улгурган.