"Арсенал" яримҳимоячиси Томаш Росицки "Бавария" эътиборига тушди. Мюнхен клуби Чехия терма жамоасининг 33 ёшли ўйинчисини мавсум якунида ўз сафига қўшиб олиш учун ҳаракат бошлайдилар, деб ёзади London Evening Standart.
Ёзда Росицки эркин агентга айланиши мумкин. Аммо нашрнинг қайд этишича, у "Арсенал" билан келишувни узайтиришга қарши эмас, бироқ муаммо шундаки, Росицки, шунингдек Бакари Санья ҳам, янги келишувнинг 2 йилга мўлжалланишини талаб қилмоқда.
"Бавария" Росицкини 2001 йилда, у "Спарта" таркибида ўйнаб юрган вақтида ҳам харид қилмоқчи бўлган, аммо якунда у Дортмунднинг "Боруссия" жамоасига 14,5 миллион евро эвазига келиб қолганди.
