Туркиянинг «Бешиктош» клуби «Ньюкасл» ҳужумчиси Паписс Сиссега қизиқиш билдирмоқда. Бу ҳақда Turkish Football хабар беради.
«Менга Паписс Сиссенинг ўйинлари жуда ёқади. У ажойиб футболчи ва жамоага анча фойда келтириши мумкин. Айни вақтда жамоани кучайтириш учун учта футболчини кўриб чиқяпмиз.
Менимча, Сиссени таркибимизга қўшиб олсак бўлади. Лекин бу қарорни раҳбарият қабул қилади. Ҳозирча «Ньюкасл»га таклиф билан чиқмадик»,- дейди клуб спорт директори.
Таъкидлаш жоизки, «Ньюкасл» ҳужумчини 10 миллион евро эвазига сотишга тайёр.













