«Челси» ярим ҳимоячиси Майкл Эссьен эртага «Милан» таркибида тиббий кўрикдан ўтади. Тез орада футболчи расман таништирилади.
Таъкидлаш жоизки, бу трансфер «Милан»га текинга тушди. Ганалик футболчи эркин агент сифатида Италияга кўчиб ўтмоқда. Бунинг устига унинг маоши «Челси»дагидан икки баробар камроқ бўлади.
Хабарингиз бор, 7 январ куни Кларенс Зеедорф «Милан» бош мураббийи бўлган эди ва шахсан голландиялик мураббийнинг ўзи Эссьенга қўнғироқ қилган ва уни жамоага ўтишга кўндирган.
Эссьен жорий мавсумда «Челси» таркибида чемпионлар лигасида ўйнамаган, шунинг учун Гана терма жамоасининг собиқ сардори «Милан» таркибида мусобақада қатнашиши мумкин.
