"Челси" яримҳимоячиси Хуан Матанинг "МЮ"га ўтаётганидан хабарингиз бор. Айни пайтга келиб ушбу трансфернинг амалга ошишига заррача ҳам шубҳа қолмаган.
The Guardian хабарига кўра, Мата бугун ёки эртага "МЮ" тиббий кўригидан ўтади. Аслида кеча бўлиши кутилган кўрик томонлар ҳали трансфернинг баъзи деталларини тўғрилашга улгуришмаганлари сабаб кечиктирилган.
Испания терма жамоаси аъзоси билан шартнома 4,5 йил муддатга имзоланмоқда. Ушбу вақт давомида у ҳафтасига 150 минг фунт маош олади.
Қайд этиш керак, Мата манчестерликлар учун 37 миллион фунтга тушмоқда ва бу клуб тарихидаги рекорд кўрсаткичдир.
