Лондоннинг "Челси" клуби "Базель" клуби ўйинчиси Муҳаммад Салаҳ трансфери борасида келишгунча 24 соат ичида уч маротаба расмий таклиф билдирди, дея хабар беради The Insider.
Манбада ёзилишича, "кўклар" 21 ёшли мисрлик яримҳимоячи учун 12,5 млн фунт тўлайдилар. "Базель" яна 2 млн фунт маблағни турли хил бонуслар сифатида олади.
Таъкидлаш жоиз, ушбу мавсум чемпионлар лигаси гуруҳ баҳсида Салаҳ "Челси" дарвозасини икки марта ишғол қилган ва ҳар иккала гол ҳам "Базель"нинг ғалабасига сабаб бўлган.
Ушбу мавсумда Салаҳ Швейцария чемпионатининг 18 та ўйинида майдонга тушиб, 4 марта гол урган.
