Дортмунднинг "Боруссия" клуби бош мураббийи Юрген Клопп қишда жамоага янги футболчи келиб қўшилиши мумкинлигини истисно қилмаяпти.
"Боруссия"да яхлит бир жамоа шаклланиб бўлган бўлса-да, таркибимизни кучайтиришга барибир эҳтиёж бор. Бунинг сабаби - жароҳатлар. Жумладан, Якуб Блашчиковскийнинг сафдан чиққани бизни трансферлар бозорига киришга ундамоқда, ваҳоланки бизнинг бундай режамиз йўқ эди.
Ҳозирча ким биландир шартнома имзолаймиз, деб ваъда бера олмайман. Барчаси музокаралар қандай якун топишига боғлиқ. Ўйлашимча, потенциал номзодларнинг номини ҳам айтмай турганим маъқул", - деди Клопп.