Бугун Европада трансфер ойнасининг охирги куни эканидан хабарингиз бор. Эндиги трансферлар билан шу саҳифада таништириб борамиз. Биринчи саҳифамиздаги хабарлар эскириб қолгани учун бу сизга қулай бўлади.

23:53. «Ювентус» футболчи сотишни хоҳламаяпти. Фабио Куаляреллага «Кардифф» ва «Женоа» жамоалари роса оғиз солишди, лекин клуб уни сотмади. Жовинко ҳам ҳеч қаерга кетмайдиган бўлиб турибди.

00:02. Федерико Македа «МЮ»дан «Бирмингем»га ўтишга яқин турибди. Бу ҳақда Sky Sport хабар бермоқда.

00:05. «Валенсия» Серхио Каналесни «Реал Сосьедат»га сотиб юборди. Футболчи 2018 йилга қадар Сан-Себастянда ўйнайди.

00:08. ФИФАнинг трансферларни расмийлаштирувчи бўлимида қандайдир муаммо содир бўлган ва баъзи трансферлар ойна ёпилгандан кейин расмийлаштирилади.

00:41. «Кардифф» бугун жуда фаол. Жамоа «Ньюкасл» билан Паписс Сиссенинг трансфери борасида музокара олиб бормоқда.

00:48. Дракслер «Арсенал»га ўтмайдиган бўлди. «Шальке»дагиларнинг фикрича, Венгер футболчини жуда паст нарга баҳолаган. Трансфер амалга ошмайдиган бўлди.

01:12. «Лидс Юнайтед» Бразилия терма жамоаси дарвозабони Жулио Сезарни сотиб олишга ҳаракат қилмоқда. Хабарингиз бор, Сезар КПРда ўйнамоқда.