Халқаро футбол тарихи ва статистика федерацияси дунё клубларининг февраль ойидаги рейтинг жадвалини эълон қилди. Эълон қилинган 200талик жадвалда Ўзбекистондан фақат "Бунёдкор" клубининг номи қайд этилган.
"Қалдирғочлар" январь ойидаги жадвалга нисбатан бир поғона пастлаб, 173-ўринни банд этишган. Уларнинг ҳисобида 97.5 балл бор. Вакилларимиз бу кўрсаткич билан Осиёнинг энг яхши 10 жамоаси сафига киришмаган. ОЧЛнинг амалдаги ғолиби "Гуанжоу Эвергранд" 36-ўринни эгаллаган бўлса, "Сеул" 52-ўрин банд қилган. Эроннинг "Истиқлол"ига 55-поғона насиб этган.
Жадвални Германиянинг "Бавария" жамоаси бошқариб турибди. У иккинчи ўринда бораётган "Реал Мадрид"ни 78 баллга ортда қолдирган. Кейин ўринларни эса "Челси", "Атлетико", "Барселона" ва "ПСЖ" банд этиб туришибди.
IFFHS томонидан январь ойининг энг яхши клуби сифатида "Реал Мадрид" тан олинди. Бу жамоа январь ойида ўзи ўтказган барча ўйинларда ғалаба қозониш билан бирга, ўз жамоаси дахлсизлигини сақлаб қолди.
Клублар рейтинги билан IFFHS сайтида танишиб олишингиз мумкин.
