"Манчестер Юнайтед" ҳужумчиси Робин ван Перси "Олимпиакос"дан учралган мағлубиятдан сўнг (0:2) бунда ҳеч кимни айблай олмаслигини таъкидлади.
"Бугун яна ҳам яхшироқ ўйнашга ҳаракат қилдим, аммо мен бўлишни истаган ҳудудларда тез-тез жамоадошларим бўлиб қолишди. Бу эса бир қанча қийинчиликларни келтириб чиқарди. Жамоадошларим билан майдонда ўзаро мувофиқликда ўйнашим керак.
Умуман олганда биз секин ўйнадик, шунинг учун ҳам камроқ вазиятлар содир этдик. Менда гол уриш учун имконият бўлди, аммо зарба беришга бироз шошилдим. Ахир вазиятлар кам бўлиб турганда улар фойдаланиш керак-да...
Мойес айбдорми? У ҳам биз каби қаттиқ ишлаяпти. Осон эмас, лекин вазиятни ўзгартириш ўз қўлимизда. Кимнидир айблаб кўрсатиш осон, аммо мен бундай қилмайман", - дейди голландиялик.
Эслатиб ўтамиз, "МЮ" - "Олимпиакос" ўйини 19 март куни бўлиб ўтади.