«Бунёдкор» ҳамда «Ал-Жаиш» жамоалари ўртасидаги ўйиндан кейин ҳар икки жамоаларнинг бош мураббийлари иштирокида матбуот анжумани бўлиб ўтди. Аввало меҳмонлар бош мураббийи саволларга жавоб берди.

— Ўйиндан олдин хавотирим бор эди, чунки қийин ўйин бўлишини кутган эдим. Шукрки, биз ғалаба қозондик. Бу жуда катта ғалаба бўлди. Рақибнинг жарима зарбаларидан ташқари хавфли вазиятлари бўлмади. Бизнинг таркибимизда камчиликлар бор эди. Асосий таркибнинг учта футболчиси ўйнамади.

— Жамоа жуда зўр ўйнади, аммо дарвозабоннинг вақт чўзгани менга ёқмади. Бу жентльменлик эмас. Шунга нима дейсиз?
— Мен бундай деб ўйламайман. Ўша вазиятларда дарвозабон ростдан ҳам вақтни чўзмади.

— Жамоа 1-турда нима учун «Фулад»ни енга олмаган эди?
— Ўша ўйин ҳам осон бўлмаганди, бугунги ўйин ҳам. Рақиб бизга очиқ зоналарни қолдирмаган эди. Ҳимоя чизиғини ёриб ўтишга ҳаракат қилганмиз, лекин ўхшамаган. Бу икки жамоанинг қайси биринидир кучсиз дея олмайман. Эррн жамоасига қарши ўйиндаги ягона хатойимиз — гол урмаганимиз бўлди.

— Жамоадаги араб миллатига мансуб бўлмаган футболчилар ғалаба қозонаётган вақтда ҳам ўйнашди, лекин араблар вақтни чўзишди. Бу менталитет билан боғлиқми?
— Бу сизнинг менталитетингиз.