Матбуот анжуманининг иккинчи қисмида Миржалол Қосимов саволларга жавоб берди.

Аввало рақибни ғалаба билан табрикламоқчиман. Ўйинни бериб қўйдик деб ўйлайман. Нимагадир футболчилар ҳаяжонланишди ва ўйин биз хоҳлагандек кечмади. «Ал Жаиш» жуда кучли жамоа деб айта олмайман. Ўйнасак бўларди. Биз ўйнай олмадик. Ҳали кураш давом этмоқда.

– Тўпни назорат қилиш керак деб айтган эдингиз. Нима учун бундай бўлмади.
– Биз жуда қўпол хатоларга йўл қўйдик. Ҳа биз тўпни назорат қилишга ҳаракат қилдик. Бунақа хатоларга йўл қўйишимиз керак эмасди. Футболчиларни тарбиялаб борамиз.

– Ҳужумлар қанотдан уюштирилди. Яна ўша тактика. Қачон ўзгаради бу тактика?
– Биз ҳам марказдан ҳужумлар қилмоқчи эдик. Карлосни шунинг учун марказга қўйдик. Биз тактикани яхши танлаган эдик, лекин футболчилар уни амалга ошира олишмади.

– Яна япон ҳакамлари бизга панд беришмоқда. Нима деб ўйлайсиз, балки ОФКга мурожаат қилиш керакдир.
– Биз ҳакамнинг хатосини эмас, ўзимизнинг хатойимизни кўриб чиқшимиз керак.

– Лутфулла Тўраев «Локомотив»га ўтганидан кейин жамоа марказини кимдир эгаллай олмаяпти. Карлос Кото сизнинг дидингизга тушдими?
– Биринчи бўлимда Нилмар гол урди. Худди ўшандай вазиятда Карлос гол уролмади. Менимча, футболчиларга вақт керак.