Матбуот анжуманининг иккинчи қисмида Миржалол Қосимов саволларга жавоб берди.

— Бугун ҳам бизга хатолар панд берди. Агар гуруҳдан чиқишни хоҳласак, бунақа хатоларни йиғиштиришимиз керак.

– Сервер Жепаровнинг мураббийи уни аниқ пас бермагани учун "футболчи эмас", деб атади. Менимча, бу жуда тўғри айтилган. Сиз ҳам футболчиларга рақиб дарвозасига терс қараган ҳолда футбол ўйнашни ўргатасизми?
– Йўқ, мен уларга олдинга қараган ҳолда ўйнашни ўргатаман. Бу шунчаки бизнинг хатоларимиз. Аввалги футбол йўқолиб кетди. Аввал техника бўлса бўлди эди. Ҳозир эса тезлик керак. Ётиб пул топиб бўлмайди. Захирадан тушган футболчилар ўйнолмади.

– Баҳодир Пардаев қандай ўйнамоқда. Унинг майдондаги вазифаси қандай?
– Унинг вазифаси ҳам ҳужумда, ҳам ҳимояланаётганда ҳамма каби орқага қайтиши керак. Мен унга танаффусда ҳам айтдим. Тўпга югуриш керак. Бугун жамоавий ўйин кўрсата олмадик.

– 1 очко учун хурсандмисиз, ғалаба қозона олмаганингиз учун хафамисиз?
– Албатта хафаман. Ғалаба қозонишимиз керак эди. Энди имкониятларимиз пасайиб кетди. Дурангдан қониқмадим.