«Бунёдкор» 7та ўйиндан бери ўз уйидаги ОЧЛ баҳсларида ғалаба қозона олмай келяпти. Бу "анъана" 2012 йилнинг куз ойиларида бошлаганди.

Ёдингизда бўлса, "Бунёдкор" 2012 йилги мавсумда ярим финалгача етиб бориб, ўз уйида бўлиб ўтган дастлабки ўйинда "Ульсан Хёндэ"га имкониятни бой берганди. "Қалдирғочлар" 2013 йилда ўз уйидаги барча ўйинларда дуранг ўйнашди. Ниҳоят, 2014 йилги мавсумнинг иккита ўйинида ҳам "Бунёдкор" ғалаба қозона олмади — битта мағлубият, битта дуранг.

ОЧЛ-2012 чорак финалнинг жавоб ўйинида "Бунёдкор" Австралиянинг "Аделаида Юнайтед" клубини қабул қилганди. Ўша учрашувнинг асосий вақти 2:2 ҳисоби билан якунланганди. Фақат қўшимча вақт Алибобо Раҳматуллаев вакилларимизга ғалаба келтирган голни урганди. Буни ҳам дуранг сифатида қабул қилсак, унда уйдаги ғалабасиз ўйинлар сони 8тага етади.

Агар Қосимов жамоаси ўз майдонида сўнгги ўйинда "Ал-Фатҳ"ни енга олмаса ва гуруҳдан чиқа олмаса, "серия" яна қанча давом этиши номаълум.

Биласиз, ўз уйида ўйнайдиган клуб 1-рақамли жамоа сифатида ўйнашга ҳаракат килади. Демак, Қосимов ўз жамоасини 1,5 йилдан бери ҳужумкор ўйинга тайёрлай олмаяпти.