Матубуот анжуманининг иккинчи қисмида Равшан Ҳайдаров қатнашди.

Ҳаво жуда ноқулай бўлишига қарамай «Динамо» зўр ўйин кўрсатди. Биз ғалабага ҳақли эдик. Барчани табриклайман. Йигитларга қойил қолдим. Стадион ишчиларига ҳам. Шундай майдонни тайёрлаганликлари учун уларга ташаккур. Рақибни ҳурмат қилган ҳолда айтишим керакки, бугун биз ўзимизга ишонган эдик. Бугун «Насаф»га қарши хатоларни такрорламадик.

– Фаруҳ Шотурсунов нима учун майдонга тушмади?
– Унинг оёғи гипсда. Бир ойча майдонга туша олмаса керак. Ҳужум чизиғида муаммо бўлиши аниқ, лекин футболчиларимиз етарли деб ўйлайман.

– Жамоа қандай ўрин учун курашади?
– Бир нарса деб бўлмайди. Бугунги ўйиндаги каби яхши ўйнасак, юқори поғоналар учун курашамиз. Жароҳатлар бўлмаса, ҳаммаси жойида бўлади.

– Биринчи бўлимда жамоа марказни бериб қўйди.
– Бундай деб ўйламайман. Ўруновга марказни топширган эдик. Акмал унга осон бўлиши учун таянчда ўйнади. Менимча, марказ бугун ёмон ўйнамади.

– «Насаф»га қарши ўйинда жамоанинг голи ҳисобланмаган эди. Нима деб ўйлайсиз, дарвоза ортидаги ҳакамлар керкамикин?
– Йўқ. Бу ортиқча нарса деб ўйлайман. Уларнинг фойдаси бўлмайди.