Мадриднинг "Реал" клуби собиқ бош мураббийи Жозе Моуриньо Испанияда яшаш унга осон бўлмагани ҳақида маълумот берди. Шу билан бирга, унинг айтишича, "қироллик клуби" рулида ишлаш унинг учун етарлича қизиқарли машғулот бўлган.

"Испаниядаги муҳитдан бироз чарчагандим. Бу мамлакатда ишлаш жуда қизиқ, аммо ижтимоий ҳаёт осон кечмайди. Шунинг учун ҳам уч йиллик фаолиятимдан сўнг бунга барҳам беришим керак эди.

Англияда эса аввал ҳам ишлаганман, бу ердаги ҳаёт менга жуда ёқади. Мухлислар ва футболчилар билан мулоқот қилиш Англияда осон", - деди Моуриньо.