Эрон чемпионати якунланишига яна икки тур қолди.

27 март куни Эрон Про-лигасининг 28-тур учрашувлари бўлиб ўтди.

Чемпионликни қўлга киритишга яқин турган Аҳвазнинг “Фулад” клуби 28-тур доирасида “Трактор Сози” клубини қабул қилди ва иродали тарзда ғалаба қозонди. Даставвал, 9-дақиқада Ансарифард томонидан киритилган голдан сўнг “Трактор Сози” жамоаси ҳисобда олдинга чиқиб олди. Лекин қолган дақиқаларда кучли ирода намойиш қилган аҳвазликлар 33 (пенальтидан) ва 73-дақиқаларда “Фулад”га ғалаба келтирувчи голларга муаллифлик қилди.

28-турдан сўнг “Фулад” 54 очкога эга ва мусобақа жадвалида якка пешқадамлик қилмоқда. Иккинчи ва учинчи поғоналарда 51 очкодан жамғаришган “Пирузи” ва “Нафт Теҳрон” клублари боришмоқда. 4-ўринни банд этиб турган “Истиқлол” ҳисобида 50 очко бор.

“Фулад” Эрон чемпионатидаги навбатдаги учрашувини 6 март куни “Истиқлол”га қарши ўз майдонида ўтказади.