«Барселона» бош мураббийи Херардо Мартино чемпионатнинг 31-тури доирасида «Эспаньол»га қарши бўлиб ўтган ўйин  (1:0) ҳақида ўз фикрларини билдириб ўтди.

«Дерби ҳеч қачон осон бўлмайди. Бунда ўйинларда ғалаба қозониш осон эмас. Олдимизда қолган ҳар бир ўйин биз учун финалга тенг.

Жамоа номидан Вальдесни қўллаб-қувватламоқчиман. Ушбу ғалабани унга бағишлаймиз. «Барселона» футболчилари нохуш хабарларга ўрганиб қолишган. Бундай вазиятларда футболчилар янада кўпроқ ишлаш кераклигини яхши билишади.

Ўйиндан олдинги суҳбат жараёнида мен футболчиларга "Класико"дан олдинги ҳолатимизни эслатдим. Биз буни унутмаслигимиз ва бошқа бундай ҳолатга тушмаслигимиз керак», – дейди Мартино.