"Барселона" бугун "Эспаньол" билан Ла-лиганинг 31-тури доирасида баҳс олиб борди ва 1:0 ҳисобида ғалаба қозонди. Ўйиндан олдин жамоа фтуболчилари асосий (бугун улар меҳмондаги ўйин учун мўлжалланган формада ўйнашди) форма устида дарвозабон Виктор Вальдесни қўллаб-қувватлаш сўзлари ёзилган футболкаларни кийишди ва шу кийимда суратга тушишди.
"Forсa doble V" сўзлари ёзилганди бу футболкаларга. "Дабл В" - Виктор Вальдеснинг лақаби.
Эслатиб ўтамиз, Виктор Вальдес "Сельта"га қарши ўйин бошида оғир жароҳат олди. Ушбу жароҳат туфайли мавсум охиригача майдонга қайта олмайди ва ЖЧни ҳам ўтказиб юборади.
