«Атлетико» бош мураббийи Диего Симеоне «Барселона»га қарши бўлиб ўтган ўйин (1:1) борасида ўз фикрларини билдириб ўтди.

«Бугун гол урган Диего учун хурсандман. Бу гол у учун жуда ҳам керак эди. У ўз ўйинининг муҳим палласига кириб бормоқда. Ҳозир ҳам, мавсумнинг охирига қадар барча ўйинларда у бизнинг муҳим ўйинчимиз бўлиб қолади. Диего Коста майдонни тарк этишни истамаганди, аммо унинг жароҳати қай даражада эканини эртага билиб оламиз. Яхшиликдан умидворман.

Бугун бизга қарши ажойиб рақиб тўп сурди. Жамоамиз мустаҳкам характерга эга. Рақиб билан тенгма-тенг ўйнай олганимиз мени хурсанд қилди. Ўйин ҳиссиётга бой бўлди. Тактик нуқтаи назардан чиройли ўйин бўлди. Ҳар иккала жамоа ўз ўйин услубига содиқ қолди.

«Висенте Кальдерон»да ўтадиган жавоб баҳси янада қайнайди», – дейди Симеоне.