«Барселона» президенти Жозеп Бартомеу Хорватия ёшлар терма жамоаси футболчиси Алан Ҳалиловичнинг трансфери расмийлаштирилганини таъкидлади.
«Ҳалиловичнинг трансфер расмийлаштирилган. У бизнинг футболчимиз. ФИФА берган вақт ичида трансфер билан боғлиқ муаммони ҳал қиламиз ва жамоа ёзги трансфер харидларига тайёрланишни бошлайди»,- дейди Бартомеу.
Хабарингиз бор, ФИФА «Барселона»ни 2015 йилгача трансфер амалга оширишдан маҳрум қилган ва Алан Ҳалиловичнинг трансфери расмийлаштирилмагани ҳақида хабарлар тарқалган эди. Бундай ҳолатда Лондоннинг «Челси» клуби ёш иқтидорни ўз сафига қўшиб олишга ҳаракат қилмоқчи эди.
