«Милан» вице-президенти Барбара Берлускони сингапурлик миллиардер Питер Лим клубнинг 51% акцияларини сотиб олиш ҳақидаги таклифи борасида ўз фикрларини билдириб ўтди.

«Бу хабар — асоссиз. Умуман олганда, матбуотда бугун пайдо бўлган хабарлар ва унда тилга олинган рақамлар жамоанинг реал қийсатини ифодаламайди. 300 миллион евро – бу «Милан»нинг 30% акцияларидир, асло 51% эмас», – дейди Барбара Берлускони.

Шу тариқа, Сильвио Берлусконининг қизи фикрича, «Милан» миллиард евро туради.

Аввалроқ, Сильвио Берлускони Лимга «Милан»нинг 51 фоиз акциясини 300 млн еврога сотишдан бош тортгани ҳақида хабар тарқалганди.