Дортмунднинг «Боруссия» клуби бош мураббийи Юрген Клопп "Реал"га қарши ЕЧЛ чорак финал жавоб ўйини борасида ўз фикрларини билдириб ўтди (2:0, биринчи ўйин — 0:3).

«Ўйиндан кейин жароҳатланган футболчи Суботич билан суҳбатлашганимда, у менга жамоанинг бир бўлаги эканидан ниҳоятда фахрланишини айтди. Мен ҳам худди шундай туйғуни ҳис қиляпман. Ушбу ўйиндан видеоқўлланма тайёрлаб, биринчи ўйинда 0:3 ҳисобида ютқазган барча жамоаларга кўрсатиш керак.

Йигитлар кейинги босқичга чиқишни жуда ҳам исташди. Буни Мадридда кўрсата олмадик. Бугун эса ўз иштиёқимизни 100 фоизга кўрсата олдик. Биз рақибга нисбатан кучли ўйнадик ва яна гол уришимиз керак эди. Аммо ўйинимиз ҳақиқатда яхши бўлгани учун мен ҳеч кимни айбламайман.

Стадиондаги муҳит ажойиб бўлди. Биз умид шамчироғини тезда ёқдик ва бугун барча нарсанинг иложи борлигини кўрсатишни истадик. Бугун даҳшатли оқшом бўлди", - дейди немис мураббийи.