"Анжи" ҳимоячи Андрей Ешенконинг турмуш ўртоғи Мария ўзининг "инстаграм"ида "Локомотив" - "Анжи" ўйини дастури тайёрлаганларни танқид қилди. Темирйўлчилар ва махачқалъаликлар ўртасидаги ўйинда ҳисоб очилмагинини эслатиб ўтамиз.

"Локомотив" клуби вакиллари томонидан тузилган дастурда ҳар иккала жамоа футболчиларига таъриф бериб чиқилган ва бир ярим йил аввал "Анжи"га ўтган Ешенко ҳақида қуйидагилар ёзилган:

"2013 йилнинг қишида "Локомотив"га Виталий Денисов ташриф буюрганида, ундан сўрашганди: "11 тур давомида Россия терма жамоаси аъзосининг йўқлигини билдирмасликка эриша оласизми?" Ўшанда "Анжи"га ўтиб кетган Андрей Ешенкони ҳозир ҳамма унутган. Махачқалъага соврин ютиш учун йўл олган футболчи жароҳат  туфайли бронзага ҳам эга бўла олмади. Ҳозир эса у ўзининг собиқ жамоасига мусобақа жадвалининг "ертўла"сидан қарайди".

"Фақат аҳмоқларгина шундай ёзиши мумкин. Клубдан ҳайдаш, уни чиқариб ташлаш...", – дея ёзади Мария Ешенко.